Trupat e 15 palestinezëve të tjerë u dorëzuan nga Izraeli të martën, më 21 tetor, si pjesë e një marrëveshjeje të vazhdueshme për armëpushim dhe shkëmbim të të burgosurve, dukee çuar numrin total të trupave të kthyer në 165.
Komiteti Ndërkombëtar i Kryqit të Kuq (KNKK) lehtësoi dorëzimin, duke transportuar trupat në spitalin “Nasser” në qytetin Khan Younis në jug të Rripit të Gazës.
Dorëzimi i trupave bëhet sipas një marrëveshje armëpushimi midis Izraelit dhe grupit palestinez Hamas, e cila hyri në fuqi më 10 tetor. Marrëveshja bazohet në një plan të propozuar nga presidenti i ShBA-së, Donald Trump.
Një marrëveshje armëpushimi midis grupit palestinez Hamas dhe Izraelit, bazuar në një plan të propozuar nga presidenti i ShBA-së, Donald Trump, hyri në fuqi më 10 tetor.
Marrëveshja kërkon tërheqje graduale të forcave izraelite, një shkëmbim të ndërsjellë të të burgosurve, hyrjen e menjëhershme të ndihmës humanitare dhe çarmatimin e Hamasit.
Armëpushimi i dha fund një lufte dyvjeçare që vrau më shumë se 68 mijë palestinezë në enklavë, plagosi rreth 170 mijë të tjerë dhe shkatërroi pjesën më të madhe të infrastrukturës së Rripit të Gazës.
