Kryeministri izraelit Benjamin Netanyahu urdhëroi të martën ushtrinë izraelite që të nisë “sulme të menjëhershme dhe të fuqishme” në Rripin e Gazës, pavarësisht marrëveshjes për armëpushim, njoftoi zyra e tij.
“Netanyahu ka udhëzuar ushtrinë të kryejë menjëherë sulme të fuqishme në Rripin e Gazës,” pas konsultimeve të sigurisë, thuhet në një deklaratë të zyrës së tij, cituar nga gazeta ditore Yedioth Ahronoth.
Një marrëveshje armëpushimi është në fuqi në Gaza që nga 10 tetori, sipas planit 20-pikësh të ndërmjetësuar nga Presidenti amerikan Donald Trump.
