Ekipet e Njësisë Speciale të Policisë së Kosovës, bashkë me njësitë e kërkim-shpëtimit, janë duke vazhduar edhe gjatë natës kërkimet për gjetjen e trupit të pajetë të një 33-vjeçari, i cili dyshohet se është mbytur në Liqenin e Ujmanit.
Sipas informacioneve të konfirmuara nga shefi i operativës rajonale në Mitrovicën e Veriut, Petrit Fejza, 33-vjeçari dyshohet të jetë hedhur nga ura dhe që nga ajo kohë nuk është parë më të dalë në sipërfaqe.
Autoritetet janë në vendin e ngjarjes dhe po bëjnë përpjekje maksimale për të gjetur trupin e të zhdukurit, ndërsa rasti ka shqetësuar edhe komunitetin lokal.
Foto: Venhar Isufi
