Me përfundimin e fjalimit të Ali Ahmetit, si njëri nga ish-themeluesit e UÇK-së, është shpallur e mbyllur edhe protesta kundër gjykimit të ish-krerëve të UÇK-së në Speciale.
Qytetarë të shumtë janë mbledhur në protestën e organizuar nga veteranët për të kundërshtuar veprimet e Gjykatës Speciale.
Në protestë po marrin pjesë një numër i madh i qytetarëve nga e gjithë Kosova e më gjerë.
“Kundër padrejtësisë! Në mbrojtje të UÇK-së dhe së vërtetës” është motoja e protestës.
Disa komuna kanë ofruar transport falas për qytetarët që dëshirojnë të marrin pjesë në protestë, ndërsa një pjesë e tyre tashmë kanë arritur në Prishtinë.
Protestuesit mbajnë në duar flamuj kombëtarë dhe pankarta të ndryshme në përkrahje të pjesëtarëve të UÇK-së.
Ndryshe, organizatat e dala nga lufta e Ushtrisë Çlirimtare të Kosovës në një konferencë të mbajtur të mërkurën u kanë bërë thirrje qytetarëve që të dalin masivisht në protestë, në mbrojtje të luftës çlirimtare.
