Numri i rasteve të dhunës në familje në vend vijon të jetë shqetësues, me shumë gra e vajza që raportojnë përjetimin e dhunës fizike dhe psikike.
Më 15 korrik në Malishevë, një grua rreth 26-vjeçare ka denoncuar në polici bashkëshortin 33-vjeçar dhe vjehrrin 54-vjeçar për dhunë fizike në banesën familjare.
Sipas burimeve të Gazetës Sinjali, viktima L.M. ka deklaruar se është sulmuar nga të dy dhe ka paraqitur raport mjekësor për lëndimet e marra. Pas intervistimit nga hetuesit, ajo është strehuar në shtëpinë e prindërve të saj.
Me urdhër të Prokurorit Kujdestar, rasti është iniciuar si “Dhuna në familje”, ndërsa të dyshuarit janë liruar në procedurë të rregullt. Hetimet janë në vijim.
