Mesfushori portugez João Palhinha ka përfunduar me sukses testet mjekësore si lojtari më i ri i Tottenham Hotspur. Kalimi i tij nga Bayern Munich është tashmë një çështje e mbyllur në parim, ndërsa priten vetëm procedurat zyrtare mes dy klubeve për ta zyrtarizuar plotësisht transferimin.
Marrëveshja është arritur në formë huazimi deri në qershor, me Tottenham që mbulon të gjithë pagën e lojtarit gjatë kësaj periudhe.
Sipas burimeve të besueshme, kontrata përfshin gjithashtu një klauzolë blerjeje prej 30 milionë eurosh, që londinezët mund ta aktivizojnë në fund të sezonit. Kjo klauzolë nuk është e detyrueshme, duke i dhënë klubit anglez fleksibilitet për vendimin përfundimtar.
Palhinha, i njohur për forcën fizike dhe aftësitë mbrojtëse në mesfushë, pritet të jetë një përforcim kyç për skuadrën e drejtuar nga Ange Postecoglou në sezonin e ri të Premier League.
